Ковчег с частицей мощей святого пророка Иоанна Предтечи

Передан в дар подворью епископом Воскресенским Саввой в 2016 г.

Находится в каменном храме Подворья.

Пророк Иоанн Креститель — после Девы Марии, самый величайший и чтимый святой.

Дни памяти: 7 января (Собор)24 февраля (Первое и второе обретение главы)25 мая (Третье обретение главы)24 июня (Рождество)29 августа (Усекновение главы)23 сентября (Зачатие)12 октября (Перенесение десной руки)

Тропарь, глас 2

Память праведнаго с похвалами,
тебе же довлеет свидетельство Господне, Предтече:
показал бо ся еси воистинну и пророков честнейший,
яко и в струях крестити сподобился еси Проповеданнаго.
Темже, за истину пострадав, радуяся,
благовестил еси и сущим во аде Бога, явльшагося плотию,
вземлющаго грех мира
и подающаго нам велию милость.

Молитва

Крестителю Христов, проповедниче покаяния, кающагося не презри мене, но, совокуплялся с вои Небесными, молися ко Владыце за мене, недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего. Аз бо есмь вертеп злых дел, отнюдь не имеяй конца греховному обычаю, пригвожден бо есть ум мой земным вещем. Что сотворю, не вем, и к кому прибегну, да спасена будет душа моя, токмо к тебе, святый Иоанне, благодати тезоимените, яко тя пред Господем, по Богородице, вем больша быти рожденных всех: ты бо сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, падшагося многими грехи, обнови душу мою покаянием, яко вторым крещением, понеже обоего начальник еси, крещением омывали грех, покаяние же проповедуяй во очищение когождо дел скверных; очисти убо мя, грехми оскверненнаго, и понуди внити, аможе ничто же скверно входит, в Царствие Небесное. Аминь.